张敬轩（轩仔）明年踏入3字头，一切重新出发，他自爆因为跟唱片公司斗气，过去四年都是hea住度过，但任性的日子已过去，今日的轩仔，誓要做回自己。
轩仔将于10月推出新碟《Why Not》，乃过去四年以来首张全唱作大碟，今次轩仔一脚踢包办作曲、监製、编曲和溷音，他说：「做完音乐剧之后，热诚返晒嚟，其实我一直好想出唱作碟角逐唱作人奖项，做番老本行。」
大碟叫《Why Not》，主题讲积极，轩仔说：「现实社会好hea、冇追求，但其实要搵理想。（讲自身经历？）有，过去几年做live show试过唔记得歌词、甩嘴，状态唔好令工作态度唔好，其实《笑忘书》之后冇写过歌，唔多唔少同唱片公司斗气，因为写歌要等，但公司唔等，《酷爱》嘅成功，啲人觉得张敬轩唔一定要唱自己歌，自己咪算囉，过去四年做嘢hea hea哋，明年踏入「3」字头，今年开始唔可以咁，虽然后生时可以任性，但要吸取教训。」
轩仔三十而立，新碟将以DVD真人骚记录唱作过程，包括屋企起居饮食同录音室花絮，父母、好朋友都会入镜，他说：「自己一直有心愿好想用video做纪录，算係送畀自己30岁嘅生日礼物。」
由于唱片公司和无綫的版税问题依然未解决，轩仔惟有谂计自求多福：「今次新碟宣传用全新方法，集中网络多啲，呢一年自己开咗微博，又有blog，虽然少咗TVB，但宣传费反而多咗，以前book车都几千蚊，今次自己搞可以拉低成本，自己又收平咗，悭番20%、30%。」为了配合新碟宣传，轩仔将于9月举行音乐会，演绎多首新歌。
 |
