郑希怡（Yumiko）和关智斌（Kenny）近年中港两边走狂赚人仔和人气。由于在内地经常互相照应，成为「称兄道弟」的好友，二人还计划日后在内地与几位朋友合资开设脚底按摩店，实行有钱齐齐搵﹗
Kenny和Yumiko早前在内地拍摄电视剧《剑侠情缘》，该剧穿梭古今，又在剧中发生多角恋，Yumiko抵死地说：「佢（Kenny）个人咁滥。」Kenny则笑说：「唔好讲真嘢出嚟。」他们近年中港两边走，甚少时间留港，问到是否适应？Kenny说：「其实都唔惯，每次去要重新适应，但啱啱适应完，套剧又差唔多拍完。（互相照应？）係呀，冇咁闷嘛。」
拍完剧后，Kenny和Yumiko会到当地脚底按摩店Relax，两人愈按愈上瘾，还打算再找多几位朋友，在内地合资开设脚底按摩店，有钱齐齐赚！但Kenny表示并无忽略唱歌，他说：「因为拍剧拍咗两、三个月，搞到延迟咗出碟，不过我唔会唔唱歌。」Yumiko亦谓：「真係冇时间，但嚟紧会摆多啲时间喺唱片，依家Planning好紧要。」
Kenny表示在内地拍剧期间，甚少留意本地娱乐新闻，他说：「嗰段期间，我係对香港娱乐新闻有啲Outdated，但都算耳根清淨，可以过啲简单生活，最紧要係储到钱。」早前张敬轩举行舞台剧，身为好友的Kenny亦抽空捧场，他说：「佢做得几好，我都想再做舞台剧，因为係一个好好嘅经验。」问到会否叫公司搞舞台剧，Yumiko说：「都好喎，搞个类似『老友记』嘅舞台剧，相信会有睇头。（你呢排新闻少咗？）唔好新闻要嚟做乜？夏天嘅新闻唔係属于我哋嘅。」
 |
