本帖最后由 wahaha 于 2009-8-15 15:44 编辑
即使爱到痛，爱到全身伤痕累累，都依然爱落去，
究竟应该执着，定放弃？
你讲过，我唔会畀妳既眼泪白白咁流走，如果妳要为我喊，我会将妳既眼泪用玻璃瓶装起嚟。
我讲过，你就系永远都唔识照顾自己，所以我以后都要留系你身边，直到你离开我……
所以，如果爱你系一种沉溺，我愿意用一世去换哩个沉溺既机会。
我会学识系戀愛中成长，我会乖，会挂住你
假若连眼泪也有含义的话，那么，我便想制止像懈逅般的别离。
生与死常常是相通的
只要铺设起思念的线路
心就能像显像管一样显示出脸的样子
耳朵就能通过没有响的电话听到彼端传来的声音
在胸膛里用心铺设爱的线路
无论什么障碍也能跨越，像光一样飞行
飞进我的梦中，飞进你的永恒，飞进我们的灵魂深处
PART1
－钟意，E度啊~快D过离啦！
－咁早既妳？
－嘻嘻嘻……大家咁多年朋友，哩样吾洗问啦啊嘛。
－哎，及仔啊嘛。
我姓钟，单名意。由细到大，个个都话我个名有D奇怪，或者啦，但我好中意E个名，除咗因为距少有之外，仲因为大家都“钟意钟意”咁叫我，有一种好亲切同好SWEET既感觉。我系一个好爽朗既女仔，有咩吾妥就会大大声讲出离，即使咁样会得罪人，但我有两个最好最有义气既Fan陪住我：一个系啊盈，距系个好斯文冰雪聪明既女仔，不过就有D小气，唔中意人地太直接咁话距，距E+升咗去一间好有名既重点高中；而另一个就系岩先同我讲野既诗嘉，大情大性，甚至可以讲系有D癫，可能成日挂住蒲啊，扮靓啊，拍拖啊，D成绩一直都欠佳，所以我地都叫距C+。但系距E种热情既性格好容易就识倒人，尤其系距天生就有一副甜美既面孔。
今日系高一开学既第一日，课室里面好吵，D新同学三三两两咁倾计。
唯独有一个人……
哩个男生坐系最后一排既窗边，漫无目的咁望出窗外。距D皮肤好白，嘴唇又红润，好似个女仔咁－－甚至仲标致过好多女仔，特别系距果双眼，深沉之中又有D忧郁。D风轻轻咁吹入离，距褐色既头发就飘吓飘吓咁，我竟然就企系度呆咗咁望住E个“靓女”，心如面有一种唔安分既感觉，好似偷窥咁样。
E个时候，距望咗过离，正好与我四目交投。啊……块面好热吖~但距望咗一眼，就将目光转翻到窗外。有少少失望……
发觉C+都目不转睛咁望梗D野。
－喂，妳望咩姐。
－妳睇吓果个男仔，点啊？
－你话果个金毛？
我见倒前面有个着得好IN既男，顶着头醒目既金发，正同几个女细声讲大声笑。
－系啊，睇距个样好似几OPEN咁既，而且哩类人通常都好识屯女仔噶。
见到C+果对闪闪令既眼，我就知距有起痰喇。唔知点解，C+特别中意E类型出离玩既男仔，距话够不羇窝。以前距既BF都系咁，每次拖唔够两个月就散，或者距中意果种刺激既感觉啦。果D男虽然系花心，但我都承认距地的确生得唔错，仲口甜舌滑添。可惜距地热得快，冻得亦快，每次分手，C+揽住我喊翻两三个钟就冇晒事，然后距可以好快揾另一个。甜蜜既笑容又再挂系距面上，距系一个快乐情人。
哩个时候，金毛似乎留意倒C+，距插住袋，傲慢咁咗咗系我地前面，同C+讲
－HI，我叫啊JIM吖，妳呢？
－诗嘉！
C+口快快咁就讲咗自己个名比只野知，哎~冇离矜持！
－咁妳个FAN呢？
距用一种轻佻既目光望住我，我另转头，冇出声。
－有性格窝。（跟住距懒得戚咁同C+讲）系呢，妳岩先做乜及到我实一实姐？搞到人鬼咁唔好意思！
－好笑喇！你唔及人点知人及你啊！
我忍唔住插咗一句话。
－咦！乜妳肯讲野喇咩！
跟住距将自己个机NO SET咗入C+部手机到
－今晚揾我！
然后距又傲慢咁翻去果班女度。
－洗唔洗咁嚣吖！好巴闭咩，叫人揾距！妳唔会揾噶呵？
－咩唔会啊！梗会啦！好型啊距……
晕……我捻距都冇得救噶喇！我唔理哩个冇嚟骨气既姊妹，系咁走。
－钟意！钟意吖！等埋我啦~~~~~~~~~~
距跑上离，挽住我手臂。哎，我始终都唔忍心掉低个“爹妹”毕竟我地都已经系九年既朋友喇！
PART2
开学果日，我MUMY催住晒，终于做咗最早翻学果个。我睇个座位表，我坐第五排，而我隔离就系一个叫植楚猎既男仔。
冇几耐，D同学仔都陆陆续续咁翻离。
连一向迟开到既C+都好准时，不过系有原因既。距拖住啊Jim，笑到好幸福咁。其实我早就捻倒会咁噶喇，不过冇捻过咁快姐！
直到上课前一分钟，我隔离位终于都翻离喇。距将个书包掟入柜筒，然后趴低训大觉。
我认真D一睇，先知原来系果个好似女仔既男仔。距枕住只手块面侧向我果边，训到好似个细路咁。我都系第一次咁近距离认真咁睇男仔。估唔到男仔都会咁靓，细致既皮肤，长长既睫毛。距唔做女仔真系太晒喇！
第二节落课，距终于醒咗。我系度画梗一个女仔，跟住距个头就靠，埋离，越靠越近我块面……
－你做乜姐！
－畀你幅画我睇吓吖？
原来距净系想睇画，我有D唔好意思。
－妳识距架？
距指住幅画上面既女仔问我。
－吓？果个女仔我随手画之嘛。
－妳将D头发画长D，块面画瘦D。
距用命令既语气同我讲。但我竟然粒声唔出咁照做。
改好之后，距捧起幅画入晒迷咁望咗好耐。
－可以送咗幅画比我嘛？
－嗯，你中意就拿去啦！
距将幅画小心咁系我本薄度撕落离，又小心咁夹系距既一本书入面。
慢慢咁，我发现植楚猎根本唔系离读书既，上课唔系觉觉G就魂游，午休又唔知鼠咗去边，一放学更加系闪得无影无踪。
今日上课，MISS部手提电脑突然失灵，搞咗成年都搞唔掂，于是尚文安就提议比植楚猎睇睇。
植楚猎郁都唔郁咁坐系个位度，好似冇心帮MISS整咁，直到MISS将部机拿到距面前。
距好似弹琴咁打咗好多野上去，唔到三分钟，部机就正常翻喇。
然后距又好似晕咗咁，突然趴低咗。
－咩事啊，咩事啊？
－系咯，距系米晕咗啊？
跟住尚文安拍晒心口咁话
－放心啦，冇野既，我同距做咗三年同学，距周不时都系咁噶。距累得制，透吓架姐！
哩个人实在太怪喇，整几吓电脑就累到趴晒台咁，距平时仲训唔够咩！哎……难怪距D皮肤咁好啦！
D女生就支支喳喳咁系度讲
－好COOL吖~~~~~~~
－好劲吖！距系咪叫植楚猎吖？
－哗，走漏眼啊！点解有个咁靓仔既我都唔觉架！！！
一落课，D女仔就涌晒过尚文安度打听植楚猎既野。然后C+又一脸惊喜咁跑离同我讲
－哗~~~~~~钟意，妳同位好犀利啊！原来距中学就已经系电脑高手离噶！
（植楚猎唔系个位度）
－系咩？咁又点啊？
－妳冇兴趣咩？我记得妳话过最中意皮肤白牙齿白既男仔噶窝！距咪系咯！妳唔上既话，我地班D女仔溶咗距都仲得啊！
－车！话吾定距D牙黄甘甘呢！距离咗咁耐，我都未见距笑过！
－哗~~~~~~~好COOL吖！！！
－咦！？莫非C+妳……
－痴线啦~
－咁妳同啊Jim点啊？
－几好啦……
C+有D失落。
一日中午，我仲未翻入课室，就听到掟嘢同闹交既声。一入去，就见到C+泪痕满面，企系啊JIM面前。而啊JIM，距搭住隔离班既一个女仔。
－睇吓妳个死样啦！痴住啊JIM做乜吖！人地都唔要妳喇！过主啦！
C+激到眼火爆，伸起手想刮个女，点知比啊JIM一手推开距。
－妳敢打距！我双倍还翻比你！！
C+虽然习惯咗ED咁既PLAY BOY，但系每次都系C+提出分手，而且D男仲会离哄翻距，但系今次……
贱贱都冇咁贱啊！我一张凳车埋啊JIM度，距成个跪低咗。跟住C+扯住个女D头发，同距讲
－死入离我个课室仲大大声同我讲嘢！？无它架！最多咪打栋入打横出！
虽然C+总算出翻啖气，但距未试过好似今日咁鱼，距趴系度喊得好犀利，无论我点讲都冇用，最后连我都喊埋，我走咗出课室，上咗露台。
由小学到E+，C+一直系个好勇敢既女仔，有咩距都会帮我；但系到C+行错路果时，我冇劝到距，冇拉距出翻离。先会畀D衰人一次又一次咁伤得距咁深！
身后传离咗脚步声，系植楚猎。
－妳冇事啊嘛。
距淡淡咁讲咗句
－唔关你事！我行开咗。 |
