羽翘三年前仍是个寂寂无闻的大学生，如今已成为Youtube美容女王，回望首次参与的电影《出水芙蓉》，羽翘谓最难忘锺欣桐及方力申为她送上神秘生日会，又踢爆小方经常为阿娇影相：「佢淨係影阿娇！」
Youtube美容女王羽翘三年前始入娱乐圈，英皇电影《出水芙蓉》是她首部有对白角色的电影，就此她做足事前准备，为令游泳戏演得神似，羽翘笑言简直「搵命博」：「我细细个就好惊水，试过学几次最后都放弃咗，所以开镜前已经搵咗个教练学足成个月，喺戏入面又扮到好劲咁，所以我哋早过剧组三日返大陆，跟国家队教练学游水，淨係跳水每日最少都跳三百次，仲唔识就力搞到成个身都瘀晒添！」
羽翘笑谓性感镜头交予戏中的好拍档周秀娜「代劳」：「我真係自愧不如，游水都着晒成套鲨鱼装o架！」她坦言《出》片等了三年才上映，曾想过会胎死腹中：「依家心情係又惊又喜，拍嗰阵未有公司咩都冇，其实都唔知自己做紧乜，仲要化个好夸嘅Smoky Eyes妆添！」
对于戏中男女主角阿娇和小方的绯闻没完没了，羽翘自爆不时从化妆镜「偷窥」两人：「嗰时仲係学生，都会八卦吓佢哋係咪真，我可以肯定佢哋冇神秘失踪，不过佢哋真係好好朋友，我记得小方当时帮个防水相机做代言，有日阿娇拍水底戏，佢就劲帮阿娇影相。（帮你影？）冇呀，佢淨係影阿娇！」
不过，羽翘好开心小方同阿娇夹埋导演帮我搞神秘生日会，我以为要埋位，出到去见到两个生日蛋糕，真係劲冧，我只係初入行嘅新人，但係成个剧组停咗机两个钟同我庆祝，真係好感动好开心！
 |
