当不少o靓模都力谷事业线博上位之际，警钟胸模Jessica C.与泳儿两位有料之人却异口同声表示喜欢结实身形，即使做运动以致胸部跌Cup大缩水都不介意。而泳儿与洪卓立在活动后即赶下档，出席英皇新秀大赛面试。
Jessica C.（JC）、泳儿及洪卓立昨日为新都会广场的星级潮游派对担任嘉宾，洪卓立由三个model伴上台，即时硬晒軚企定定。而Jessica与泳儿齐齐以背心热裤上阵，不过泳儿在背心内打底，相比起穿露脐背心大骚小蛮腰的Jessica，就显得略为密实。Jessica表示她的腰围是24吋，她说：「我依家想结实啲，锺意啲结实嘅身形，以前我就锺意纤瘦啲。」说罢即展示身上的肌肉，并续说：「我会食好多蛋白质同狂做sit up。（你点keep住24吋腰？）早餐前做sit up，加速新陈代谢。呢排拍戏成日要打排球，我想拍完都keep住打，因为平时做model好少时间做运动。除咗打排球，我都会跑步。（跑步会令个胸变平喎？）其实全身都会减磅，我唔介意。」
同场的泳儿被问可会担心外界拿她跟Jessica比较，她大方地说：「一定有比较啦，自己好羡慕佢嘅身材，佢係真正嘅魔鬼身材，腰好幼上围又丰满，我会用欣赏角度睇，如果我係男士都会流鼻血。（做咩今日咁密实？）之前出活动都着过Deep V，想收埋先，唔想长期暴露出嚟，会怕丑。（唔骚吓条事业线？）搵个适合嘅机会先，我依家练紧舞，迟啲畀惊喜大家。」
泳儿又透露最近勤做Gym瘦五磅，现在只有八十多磅，身边朋友都觉得她胸部缩水，她却不介意：「我想结实啲，唔介意全身减磅，太大负荷都係障碍，轻盈些跳舞更好。（个胸缩水喎？）唔介意，我又唔係sell呢啲。」
 |
